Aap Ki Nisbat Aye Nana e Hussain

آپ کی نسبت اے نانائے حُسین ہے بڑی دولت اے نانائے حسین

دور کر فُرقت اے نانائے حسین اپنی دے قُربت اے نانائے حسین

مر کے بھی نکلے نہ میرے قلب سے آپ کی الفت اے نانائے حسین

گھر چھٹے یا سرکٹے پر گُم نہ ہو دین کی دولت اے نانائے حسین

ہوں گناہوں کا مریضِ دائمی دُور ہو شامت اے نانائے حسین

واسِطہ غوث و رضا کا دور ہو ہر بُری خصلت اے نانائے حسین

غم تمھارا چَین لینے ہی نہ دے دیدو یہ راحت اے نانائے حسین

اب مدینے میں بُلا کر دور کر یہ غمِ فُرقت اے نانائے حسین

سبز گنبد کی بہاریں دیکھ لوں آئے وہ ساعت اے نانائے حسین

موت سر پر آگئی کر دو عطا دِید کا شربت اے نانائے حسین

اپنے جلووں سے عطا فرمائیے نَزْع میں راحت اے نانائے حسین

دو بقیعِ پاک میں دوگز زمیں تم پئے تُربت اے نانائے حسین

اَز طُفیلِ غوثِ اعظم دور ہو قبر کی وَحشت اے نانائے حسین

نارِ دوزخ سے بچا کر یانبی دیجئے جنّت اے نانائے حسین

حضرتِ شَبِّیر و شَبَّر کے طُفیل ٹال دو آفت اے نانائے حسین

آل سے اصحاب سے قائم رہے تا ابد نسبت اے نانائے حسین

پیر و مرشِد پر مرے ماں باپ پر ہو سدا رَحمت اے نانائے حسین

ہر طرف نیکی کی دعوت عام ہو نیک ہو امَّت اے نانائے حسین

سنّتوں کی ہر طرف آئے بہار نیک ہو امَّت اے نانائے حسین

خوب مَدنی قافِلوں کی دھوم ہو نیک ہو امَّت اے نانائے حسین

مَدنی اِنعامات کی ہو ریل پیل نیک ہو امَّت اے نانائے حسین

نیکیوں میں دل لگے ہر دم بنا عامِلِ سنّت اے نانائے حسین

میں گناھوں سے سدا بچتا رہوں کیجئے رَحمت اے نانائے حسین

جھوٹ سے بغض و حسد سے ہم بچیں کیجئے رَحمت اے نانائے حسین

بدگمانی، بدنگاہی سے بچیں کیجئے رَحمت اے نانائے حسین

دیجئے قفلِ مدینہ دیجئے کیجئے رَحمت اے نانائے حسین

دولتِ اِخلاص ہم کو دیجئے کیجئے رَحمت اے نانائے حسین

کیجئے حج کا شَرَف مجھ کو عطا کیجئے رَحمت اے نانائے حسین

پھر طوافِ خانۂ کعبہ کروں کیجئے رَحمت اے نانائے حسین

میں مدینے کا مسافِر اب بنوں کیجئے رَحمت اے نانائے حسین

چل مدینہ کی بِشارت دیجئے کیجئے رَحمت اے نانائے حسین

اپنا غم اور چشمِ نم دے دیجئے کیجئے رَحمت اے نانائے حسین

عشق میں آہیں بھروں ، روتا رہوں کیجئے رَحمت اے نانائے حسین

یارسولَ اللہِ اُنْظُر حالَنا کیجئے رَحمت اے نانائے حسین

یاحبیبَ اللہِ اِسْمَعْ قالَنا کیجئے رَحمت اے نانائے حسین

اِنَّنِی فِیْ بَحْرِ ھَمٍّ مُّغرَقٌ کیجئے رَحمت اے نانائے حسین

خُذْ یَدِیْ سَھِّلْ لَّنَا اَشْکَالَنَا کیجئے رَحمت اے نانائے حسین

اِستِقامت دیجئے اسلام پر کیجئے رَحمت اے نانائے حسین

دل سے دنیا کی ہَوَس سب دورہو کیجئے رَحمت اے نانائے حسین

نَزْع، قَبْر و حشْر، مِیزاں ہر جگہ کیجئے رَحمت اے نانائے حسین

عیب کُھل جائیں نہ مَحشَر میں کہیں کیجئے رَحمت اے نانائے حسین

از طفیلِ چار یارِ باصفا کیجئے رَحمت اے نانائے حسین

صَدقہ شہزادوں کا آقا کیجئے کیجئے رَحمت اے نانائے حسین

سب صَحابہ کا وسیلہ سیِّدا کیجئے رَحمت اے نانائے حسین

غوث و خواجہ اور رضا کا واسِطہ کیجئے رَحمت اے نانائے حسین

مُرشِدی قطبِ مدینہ کے طُفیل کیجئے رَحمت اے نانائے حسین

ہر ولی کاواسِطہ عطّارؔ پر کیجئے رَحمت اے نانائے حسین