Aap Ke Baad Aur Kya Chahein

Aap ﷺ ke baad aur kya chahein Sirf khushnudi-e-Khuda chahein

Aap ﷺ ki khushbuon mein rehna hai Aap ﷺ ke shehar ki hawa chahein

Dekh aaye hain Gumbad-e-Khizra Khoon bhi jism mein hara chahein

Get Lyrics On-The-Go! Download Our App Now!

Aap ki aahaton ke shaidai Aap ﷺ ke saaye ki qaba chahein

Ittiba-e-Huzoor ﷺ lazim hai Har zamana agar naya chahein

Choomte rehte hain nishan-e-qadam Kam-nazar surma-e-shifa chahein

Apna chehra bhi ab Muzaffar hum Un ke sheeshay mein dekhna chahein