Aap Ka Shayar Hun Mein

Aap ka shair hoon main Baandh leeje pyaar mein Aap ke darbaar mein Ya Nabi haazir hoon main Aap ka shair hoon main

Naat goi mera fan Aap ki mujh ko lagan Mera mauzo-e-sukhan Aap hain Ya Zul-mannan Harf ka saahir hoon main Aap ka shair hoon main

Har ghari pesh-e-nazar Aap hi ki rah-e-guzar Kham rahe har waqt sar Aap ki dehleez par Mustaqil zaair hoon main Aap ka shair hoon main

Get Lyrics On-The-Go! Download Our App Now!

Le ura hai man mera Waalahana pan mera Shaakh-e-Taibah dhun mera Jis pe hai maskan mera Khush nawa taair hoon main Aap ka shair hoon main

Gaaiki se thaap se Har surile paap se Dhadkanon se chaap se Door apne aap se Aap ki khaatir hoon main Aap ka shair hoon main

Mit gayi sab teergi Roshni ab hai sagi Aap se kya lau lagi Bech daali zindagi Qeemti taajir hoon main Aap ka shair hoon main