Aaj Ki Raat Ziaion Ki Hai

Aaj ki raat ziyaon ki hai baarat ki raat Fazl-e-Nosha-e-do aalam ke bayanaat ki raat

Shab-e-Meraj woh Aw-ha ke ishaarat ki raat Kaun samjhaye woh kaisi thi munajaat ki raat

Chhayi rehti hain khayalon mein tumhari zulfen Koi mausam ho yahan rehti hai barsaat ki raat

Rind peete hain teri zulf ke saaye mein sada Koi mausam ho yahan rehti hai barsaat ki raat

Rukh-e-taaban-e-Nabi zulf-e-mu’ambar pe fida Roz-e-tabinda yeh masti bhari barsaat ki raat

Find Your Favorite Lyrics Anytime, Anywhere - Install the App Today!

Dil ka har daagh chamakta hai qamar ki surat Kitni roshan hai rukh-e-Shah ke khayalaat ki raat

Har shab-e-hijr lagi rehti hai ashkon ki jhadi Koi mausam ho yahan rehti hai barsaat ki raat

Jis ki tanhai mein woh shama-e-shabistani ho Rashk-e-sad bazm hai us rind-e-kharabat ki raat

Bulbul-e-bagh-e-Madinah ko suna de Akhtarؔ Aaj ki shab hai farishton se mubahat ki raat