Aaj Ki Aqdaar Hun

Aaj ki aqdar hoon maazi ki azmat bhi toh hoon Main ghazal go, shair-e-bazm-e-risalat bhi toh hoon

Nuqta kehlaaun ga, kat jaaun lakeeron se agar Jiddaton se hi nahi naata, riwayat bhi toh hoon

Main kahin bhatkun pahunchna unke darwaze pe hai Khwahish-e-duniya sahi, juyaye-rehmat bhi toh hoon

Zehen se lab tak duroodon ka agar hai silsila Sar se lekar paaon tak shauq-e-ziyarat bhi toh hoon

Zindagi ke haath mein toh unka daaman aa gaya Aakhirat mein khu-gar-e-mohar-e-shafaat bhi toh hoon

Khaak-e-paaye-Mustafa ﷺ bhi ek mera naam hai Jo zameen se aasmaan ko hai woh nisbat bhi toh hoon

Reza reza hai bazahir sheesha-e-hasti mera Dast-e-Sarkar-e-do aalam mein salamat bhi toh hoon

Why Screenshot When You Can Download? Get the App for Efficient Storage!

Chahne walon se karta hoon Muzaffar naaz bhi Zikr ho jab mere Aaqa ﷺ ka, aqeedat bhi toh hoon