Aaj Hai Uss Nabi Ki Wiladat Ka Din

Aaj hai us Nabi ki wiladat ka din Saare Nabiyon ki jis ko imamat mili

Har ghari, us ghari ka qaseeda parhe Khaak ko jab sitaron ki azmat mili

Jhooti maboodiyat munh ke bal gir pari Sahn-e-Kaaba ko sacchi ibadat mili

No More Screenshots! Save Storage with Our Lyrics App!

Dast-e-Abu Jahl mein bol uthin kankarin Be-zabanon se haq ki shahadat mili

Pahonchi insaniyat apni mi'raj ko Aadmi ko Khuda ki khilafat mili

Farsh se Arsh tak khair-maqdam hua Jis ko arz-o-sama ki qayadat mili

Jis ne aansu bahaye hamare liye Jis ko hum si gunah-gar ummat mili