Zeenat Sajada O Bazam

Zeenat-e-sajjadah-o-bazm-e-qaza milta nahin La'l-e-yakta-e-Shah-e-Ahmad Raza milta nahin

Woh jo apne daur ka Siddiq tha milta nahin Mehram-e-raaz-e-Muhammad Mustafa milta nahin

Ab charagh-e-dil jala kar ho sake to dhoondiye Partau-e-Ghaus-o-Raza-o-Mustafa milta nahin

Never Be Without Your Favorite Lyrics - Get the App for Offline Access!

Aalam-e-soz-e-daroon kis se kahoon kis se kahoon Charah-saaz-e-dard-e-dil dard-aashna milta nahin

Aalamon ka motabar woh peshwa milta nahin Jo mujassam ilm tha woh kya hua milta nahin

Zahidon ka woh musallam muqtada milta nahin Jis pe naazan zuhd tha woh parsa milta nahin

Fard-e-afraad-e-zaman woh Shaikh-e-ashyaakh-e-jahan Kaamilan-e-dahr ka woh muntaha milta nahin

Istaqamat ka woh koh-e-muhkam-o-bala-tareen Jis ke jaane se zamana hil gaya milta nahin

Chaar yaaron ki adayein jis mein thin jalwa-numa Chaar yaaron ka woh roshan aaina milta nahin

Ek shakh-e-gul nahin saara chaman andohgeen Mustafa ka andaleeb-e-khushnawa milta nahin

Mufti-e-Aazam ka zarra kya bana Akhtar-e-Raza Mehfil-e-Anjum mein Akhtar doosra milta nahin