Yeh Ashaab e Sufa

Yeh Ashab-e-Suffah, Khuda ke sipahi Yeh ishq-e-Nabi ﷺ ke anokhi gawahi

Yeh zahir ke shaffaf batin ke ujle Nahi inki raaton se waqif siyahi

Muhammad ﷺ ke ek ek isharay ke rasiya Dhani ma'rifat ke, shari'at ke rahi

No Internet? No Problem! Get the App for Offline Lyrics!

Panah-e-risalat mein har waqt rehna Yehi toh hai iman ki be-panahi

Hai inki tamam aarzuon ka mehwar Raza-e-Muhammad ﷺ raza-e-Ilahi

Mahazon ke ghazi, musallon ki raunaq Faqiron ki tehweel mein badshahi

Isi bistar-e-khaak ke saaray takiye Yehi se chala sikka-e-khanqahi

Bura koi samjhe ke achha Muzaffar Hamara hai maslak, faqat khair-khwahi