Tumhein Jis Ne Bhi Dekha

Tumhein jis ne bhi dekha keh utha Ahmad Raza tum ho Jamal-e-Hazrat-e-Ahmad Raza ka aaina tum ho

Nahin Hamid Raza hum mein magar wajah-e-shakeebai Khuda rakhey tumhein zindah mere Hamid-numa tum ho

Tumhare naam mein tum ko buzurgi ki sanad hasil Raza wajah-e-buzurgi hai Raza-e-Mustafa tum ho

Tumhare naam mein yun hain Raza-o-Mustafa do juz Raza waley yaqeena Mustafa ke Mustafa tum ho

Tumhari rif'aton ki ibtida bhi pa nahin sakta Ke uftadah zameen hoon main bulandi ka sama tum ho

Hayat-o-maut wabasta tumhare dam se hain donon Hamari zindagi ho aur dushman ki qaza tum ho

Yeh Noori chehra yeh Noori adayein sab yeh kehte hain Shabeeh-e-Ghaus ho Noori Miyan ho aur Raza tum ho

Find Your Favorite Lyrics Anytime, Anywhere - Install the App Today!

Raza joyan-e-Rabb thaamey huay hain is liye daaman Raza se kaam parta hai Raza-e-Kibriya tum ho

Janab-e-Mufti-e-Aazam ke faizan-e-tajalli se Shabistan-e-Raza mein khair se Akhtar Raza tum ho