Tumhein Jis Ne Bhi Dekha

تمہیں جس نے بھی دیکھا کہہ اٹھا احمد رضا تم ہو جمالِ حضرتِ احمد رضا کا آئینہ تم ہو

نہیں حامد رضا ہم میں مگر وجہِ شکیبائی خدا رکھے تمہیں زندہ مرے حامد نما تم ہو تمہارے نام میں تم کو بزرگی کی سند حاصل رضا وجہ بزرگی ہے رضائے مصطفی تم ہو

تمہارے نام میں یوں ہیں رضا و مصطفی دو جز رضا والے یقینا مصطفی کے مصطفی تم ہو تمہاری رفعتوں کی ابتدا بھی پا نہیں سکتا کہ افتادہ زمیں ہوں میں بلندی کا سما تم ہو

حیات و موت وابستہ تمہارے دم سے ہیں دونوں ہماری زندگی ہو اور دشمن کی قضا تم ہو

یہ نوری چہرہ یہ نوری ادائیں سب یہ کہتے ہیں شبیہ غوث ہو نوری میاں ہو اور رضا تم ہو

رضا جویانِ رب تھامے ہوئے ہیں اس لئے دامن رضا سے کام پڑتا ہے رضائے کبریا تم ہو

جناب مفتیٔ اعظم کے فیضانِ تجلی سے شبستانِ رضا میں خیر سے اخترؔ رضا تم ہو