Tareekh Hai Nigah Nazara

Tareekh hai nigah-e-nazara Hussain hai Har subah-e-inqalab ka tara Hussain hai

Us ke huzoor jata hai shah-rag se raasta Behte hue lahu ka kinara Hussain hai

Manzil Khuda ki zaat ho ya zaat-e-Mustafa ﷺ Us chowk ka har ek ishara Hussain hai

Khoon-e-Hussain goonjta hai har azaan mein Har khana-e-Khuda ka manara Hussain hai

Dikhla raha hai, rah-numa saazon ko raasta Chara-garon ki fikr ka chara Hussain hai

No Internet? No Problem! Get the App for Offline Lyrics!

Taj-e-malookiyat pe hain sabt us ki thokarain Jamhooriyat ka pehla idara Hussain hai

Sadiyon se parh rahi hain Muzaffar mohabbatain Islam hai mudir shumaara Hussain hai