Tareekh Hai Nigah Nazara

تاریخ ہے نگاہ نظارہ حسین ہے ہر صبح انقلاب کا تارہ حسین ہے

Instant Access to Thousands of Lyrics - Tap to Install!

اس کے حضور جاتا ہے شہ رگ سے راستہ بہتے ہوئے لہو کا کنارہ حسین ہے

منزل خدا کی ذات ہو یا ذات مصطفؐےٰ اس چوک کا ہر ایک اشارہ حسین ہے

خون حسین گونجتا ہے ہر اذان میں ہر خانہ خدا کا منارہ حسین ہے

دکھلا رہا ہے ، رہ نما سازوں کو راستہ چارہ گروں کی فکر کا چارہ حسین ہے

تاج ملوکیت پہ ہیں ثبت اسکی ٹھوکریں جمہوریت کا پہلا ادارہ حسین ہے

صدیوں سے پڑھ رہی ہیں مظفر محبتیں اسلام ہے مدیر شمارہ حسین ہے