Tareekh Hai Nigah Nazara

تاریخ ہے نگاہ نظارہ حسین ہے ہر صبح انقلاب کا تارہ حسین ہے

اس کے حضور جاتا ہے شہ رگ سے راستہ بہتے ہوئے لہو کا کنارہ حسین ہے

منزل خدا کی ذات ہو یا ذات مصطفؐےٰ اس چوک کا ہر ایک اشارہ حسین ہے

Why Screenshot When You Can Download? Get the App for Efficient Storage!

خون حسین گونجتا ہے ہر اذان میں ہر خانہ خدا کا منارہ حسین ہے

دکھلا رہا ہے ، رہ نما سازوں کو راستہ چارہ گروں کی فکر کا چارہ حسین ہے

تاج ملوکیت پہ ہیں ثبت اسکی ٹھوکریں جمہوریت کا پہلا ادارہ حسین ہے

صدیوں سے پڑھ رہی ہیں مظفر محبتیں اسلام ہے مدیر شمارہ حسین ہے