Talab Ka Muh Toh Kis Qabil

Talab ka munh to kis qabil hai Ya Ghaus Magar tera karam kamil hai Ya Ghaus

Duhai Ya Muhyiddin duhai Bala Islam par nazil hai Ya Ghaus

Woh sangin bid'atein woh tezi-e-kufr Ke sar par tegh dil par sil hai Ya Ghaus

Azuman qatilan indal qitali Madad ko aa dam-e-bismil hai Ya Ghaus

Instant Access to Thousands of Lyrics - Tap to Install!

Khuda ra nakhuda aa de sahara Hawa bigri bhanwar hail hai Ya Ghaus

Jila de dein jala de kufr-o-ilhad Ke tu Muhyi hai tu qatil hai Ya Ghaus

Tera waqt aur pare yun deen par waqt Na tu aajiz na tu ghafil hai Ya Ghaus

Rahi haan shamat-e-a'maal yeh bhi Jo tu chahe abhi zail hai Ya Ghaus

Ghayura! Apni ghairat ka tasadduq Wohi kar jo tere qabil hai Ya Ghaus

Khuda ra marham-e-khak-e-qadam de Jigar zakhmi hai dil ghayal hai Ya Ghaus

Na dekhun shakl-e-mushkil tere aage Koi mushkil si yeh mushkil hai Ya Ghaus

Woh ghera rishta-e-shirk-e-khafi ne Phansa zunnar mein yeh dil hai Ya Ghaus

Kiye tarsa-o-gabr aqtab-o-abdal Yeh mahz Islam ka sail hai Ya Ghaus

Tu quwwat de main tanha kaam besyar Badan kamzor dil kahil hai Ya Ghaus

Aduw bad-deen mazhab wale hasid Tu hi tanha ka zor-e-dil hai Ya Ghaus

Hasad se unke seene paak kar de Ke badtar diq se bhi yeh sil hai Ya Ghaus

Ghiza-e-diq yahi khoon ustakhwan gosht Yeh aatish deen ki aakil hai Ya Ghaus

Diya mujh ko unhein mehroom chhora Mira kya jurm haq fasil hai Ya Ghaus

Khuda se lein larai woh hai mu'ti Nabi qasim hai tu mausil hai Ya Ghaus

Ataein muqtadir ghaffar ki hain Abas bandon ke dil mein ghill hai Ya Ghaus

Tere baba ka phir tera karam hai Yeh munh warna kisi qabil hai Ya Ghaus

Bharan wale tera jhala to jhala Tera cheenta mira ghasil hai Ya Ghaus

Sana maqsood hai arz-e-gharz kya Gharz ka aap to kafil hai Ya Ghaus

Raza ka khatima bilkhair ho ga Teri rehmat agar shamil hai Ya Ghaus