Shukriya Aap Ka Baghdad Bulaya

Shukriya aap ka Baghdad bulaya Ya Ghous Mujh gunahgar ko mehman banaya Ya Ghous

Martaba yun tera Khaliq ne barhaya Ya Ghous Awliya ka tujhe sultan banaya Ya Ghous

Yaad-e-Taiba se basa dijiye seena mera Arz yeh shehr-e-’’Karachi‘‘ se hoon laya Ya Ghous

Main nikamma to kisi kaam ke qabil hi na tha Mujh se be-kaar ko tum ne hi nibhaya Ya Ghous

Qabil-e-rashk hai wallah woh qismat wala Tu ne kutta jise apna hai banaya Ya Ghous

Qalb-e-murda ko bhi thokar se jila do murshid Bil-yaqeen tum ne to murdon ko jilaya Ya Ghous

Aafton mein hoon giraftar, madad ko aao Aah! duniya ke ghamon ne hai sataya Ya Ghous

La takhaf hashr mein kehte hue aajana tum Jaise duniya mein yeh irshad sunaya Ya Ghous

Tere daman se lipat kar main machal jaunga Mujh ko jis dam sar-e-mahshar nazar aaya Ya Ghous

Main jahannam mein na ab jaunga InshaAllah Rahnuma tum ko jo main ne hai banaya Ya Ghous

Get Lyrics On-The-Go! Download Our App Now!

Shah-e-Baghdad! ho Attar pe nazar-e-rehmat! Khali kasa liye hai door se aaya Ya Ghous