Shah e Batha Ka Mah Para

Shah-e-Bat-ha ka mah-e-parah hai, wah kya baat Ghous-e-Azam ki Sayyidah Fatimah ka pyara hai, wah kya baat Ghous-e-Azam ki

Yeh toh sab Awliya ka afsar hai, Ibn-e-Zahra hai Ibn-e-Haidar hai Aur Hasnain ka dulara hai, wah kya baat Ghous-e-Azam ki

Ghous-e-Azam hain Shah-e-Jeelani, Peer-e-Lasani, Qutb-e-Rabbani Un ke ushshaq ne pukara hai, wah kya baat Ghous-e-Azam ki

Shahr-e-Baghdad mujh ko hai pyara, khoob dilkash wahan ka nazara Mera murshid jo jalwa ara hai, wah kya baat Ghous-e-Azam ki

Mil gaya mujh ko Ghous ka daman, fazl-e-Rabb-e-Kareem se roshan Meri taqdeer ka sitara hai, wah kya baat Ghous-e-Azam ki

Jab ke duniya mein murshidi aaye, batn-e-madar se hi wali aaye Jaan-o-dil un pe sab nisara hai, wah kya baat Ghous-e-Azam ki

Your Lyrics, Even Offline - Install the App for Free!

Mere murshid ne "la takhaf" keh kar, door sab kar diya hai khauf aur dar Un ka mahshar mein bhi sahara hai, wah kya baat Ghous-e-Azam ki

Ghous ranj-o-alam mitate hain, us ko seene se bhi lagate hain Aa gaya jo bhi gham ka mara hai, wah kya baat Ghous-e-Azam ki

Ghous peeron ke peer hain beshak, aur roshan zameer hain beshak Haal-e-dil un pe ashkara hai, wah kya baat Ghous-e-Azam ki

Kyun na jaaun main Ghous par wari, aafatein door ho gayin sari Jab tadap kar unhein pukara hai, wah kya baat Ghous-e-Azam ki

Us ko man ki murad milti hai, us ki bigdi zaroor banti hai Jis ne daman yahan pasara hai, wah kya baat Ghous-e-Azam ki

Jee uthe murde Haq ki qudrat se, hukm-e-wala-e-Rabb-e-Rehmat se Rabb ko jab Ghous ne pukara hai, wah kya baat Ghous-e-Azam ki

Dard-o-aalam jab rulate hain, Ghous-e-Azam madad ko aate hain Har jagah Ghous ka sahara hai, wah kya baat Ghous-e-Azam ki

Un ka dushman Khuda ka hai maqhoor, us ki rehmat se ho gaya woh door Bughz mein jis ne sar ubhara hai, wah kya baat Ghous-e-Azam ki

Ghous par toh qadam Nabi ka hai, un ke zer-e-qadam wali saare Har wali ne yehi pukara hai, wah kya baat Ghous-e-Azam ki

Hum ko "gyarah" ka hai adad pyara, un ki tareekh-e-urs hai gyarah Yun adad hum ko pyara gyarah hai, wah kya baat Ghous-e-Azam ki

Khoob surat hain gumbad aur minar, un pe rehmat barasti hai Attarؔ Khoob darbar ka nazara hai, wah kya baat Ghous-e-Azam ki