We've added ads to help keep the platform running and improving for you.

Rakib Dosh e Shehanshah e UmamNot Verified

Muhammad Ilyas Atar Qadri

Rakib-e-dosh-e-shahinshah-e-umam Ya Hasan ibn-e-Ali! kardo karam



Get Lyrics On-The-Go! Download Our App Now!

Get it on Google Play


Fatimah ke laal Haidar ke pisar Apni ulfat do mujhe do apna gham


Apne Nana ki mohabbat dijiye Aur ata ho qalb-e-muztar chashm-e-nam


Kho mite be-kaar baaton ki rahe Lab pe zikrullah mere dam-ba-dam


Ae Sakhi ibn-e-Sakhi apni sakha Se do hissa Sayyid-e-aali hasham


Aal-o-ashab-e-Nabi se pyaar hai Saari sarkaron ke dar par sar hai kham


Peshwa-e-naujawanan-e-bahisht Hain Muhammad ke nawase lajaram


Ya Hasan! imaan pe tum rehna gawah Abd-e-Haq hoon khadim-e-Shah-e-umam


Aah! palle mein koi neki nahi Arsa-e-mahshar mein rakh lena bharam


Mera dil karta hai main bhi hajj karoon Ho ata zaad-e-safar chashm-e-karam


Taibah dekhe ik zamana ho gaya Ya Hasan! dikhla do Nana ka haram


Jazba do "Neki ki dawat" ka mujhe Raah-e-Haq mein mere jam jaayen qadam


Main sada deeni kutub likhta rahoon Ya Hasan! de dijiye aisa qalam


Deen ki khidmat ka josh-o-walwala Ho inayat Ya Imam-e-mohtaram


Ae Shaheed-e-Karbala ke bhai jaan Door hoon Attar ke ranj-o-alam

Instant Access to Thousands of Lyrics - Tap to Install!

Get it on Google Play

midhah-logo-grey© 2026 Midhah