Peeron Ke Aap Hain Peer

Peeran-e-aap peer hain Ya Ghous-al-Madad Ahl-e-safa ke meer hain Ya Ghous-al-Madad

Ranj-o-alam kaseer hain Ya Ghous-al-Madad Hum aajiz-o-aseer hain Ya Ghous-al-Madad

Hum kaise jee rahe hain yeh tum se kya kahein Hum hain alam ke teer hain Ya Ghous-al-Madad

Offline Lyrics Anytime, Anywhere - Download the App Today!

Teer-e-nazar se pher do saare alam ke teer Kya yeh alam ke teer hain Ya Ghous-al-Madad

Tere hi haath laaj hai Ya Peer-e-Dastgeer Hum tujh se dastgeer hain Ya Ghous-al-Madad

Idfa' sharar-ash-shar Ya Ghousanal-Abar Shar ke sharar khateer hain Ya Ghous-al-Madad

Kis dil se ho bayan-e-bedad-e-zaliman Zalim bade shareer hain Ya Ghous-al-Madad

Ahl-e-safa ne paayi hai tum se rah-e-safa Sab tum se mustaneer hain Ya Ghous-al-Madad

Sadqa Rasool-e-Pak ka jholi mein daal do Hum Qadri faqeer hain Ya Ghous-al-Madad

Dil ki sunaye Akhtarؔ dil ki zabaan mein Kehte yeh behte neer hain Ya Ghous-al-Madad