Naeem Deen o Milat Nasir

Naeem-e-deen-o-millat, Nasir-e-shar-e-mubeen tum ho Mueen-e-Ahl-e-Sunnat, nashir-e-ahkam-e-deen tum ho

Laqab Sadr-ul-Afazil aap ne paya zamana mein Imam-e-Ahl-e-Sunnat, deen ke habl-e-mateen tum ho

Ho malja-e-Ahl-e-deen ke aur mawa-e-Ahl-e-millat ke Wahabi ka jigar ho jis se shaq woh saif-e-deen tum ho

Wahabi, Deobandi, Qadiani, Nechari saare Fana dam se tumhare, kasir-e-a’da-e-deen tum ho

Offline Lyrics Anytime, Anywhere - Download the App Today!

Mitaya kufr ko tum ne, bajaya deen ka danka Panah-e-Ahl-e-deen aur qami-e-kufr-e-meen tum ho

Guzari umr sari khidmat-e-deen-e-Muhammad mein Dil-o-jaan se mueen-e-deen-e-Khatam-ul-Mursaleen tum ho

Tumhari deed hum sab khadimon ki eid hai Aaqa Qarar-e-beqararan aur rahat-e-qalb-e-hazein tum ho

Munawwar aap se hai bazm-e-eemani-o-eeqani Siraj-e-bazm-e-irfan, sahib-e-ilm-ul-yaqeen tum ho

Na kyun Ahl-e-zaban Fakhr-ul-Amasil aap ko maanein Amasil khatam-e-deen aur Khatam ke nageen tum ho

Hawa go hai mukhalif aur hain a’da-e-deen darpay Magar kya khauf ho Salik ko jab is ke mueen tum ho