Maa Ke Haider

Maan ke Haidar, baap ke Zaid, aur Muhammad ﷺ ke Ali ؓteri hasti khama-e-qudrat ka shahkar-e-jali

Main bataaun khana-e-Ka'aba mein kyun paida hua Batn-e-madar mein hi tu tauheed ka shaida hua

Tera har lamha raha Shah-e-Rusul ke saaye mein! Jis tarah khushbu chadhe parwan gul ke saaye mein

Saath rakhte the mere Aaqa mahazon par tujhe Kyun na maanu quwwat-e-bazu-e-Paighambar tujhe

Naaz har maidan ko tha teri ada-e-harb par Saikdon sajde fida talwar ki ik zarb par

Ma'arifat ka ghar tera dil, maskan-e-hikmat dimagh Haath mein Islam ke, teri baseerat ke chiragh

No More Screenshots! Save Storage with Our Lyrics App!

Ek manzil ke musafir, sufiyon ke silsile Sab juda raston pe nikle sab hi tujh se ja mile

Teri chaukhat par zamane bhar ke ann-data girin Tu hai woh gehra samundar jis mein sab darya girin

Tere qatil ki adawat apne hathon mar gayi Hashr tak zinda tujhe teri shahadat kar gayi