Kyun Na Ho Rutba Bara

Kyun na ho rutba bada Ashab-o-Ahle Bait ka Hai Khuda-e-Mustafa, Ashab-o-Ahle Bait ka

Aal-o-Ashab-e-Nabi sab badshah hain badshah Main faqat adna gada Ashab-o-Ahle Bait ka

Meri jholi mein na kyun hon do-jahan ki na'matein Main hoon mangta main gada Ashab-o-Ahle Bait ka

Kyun ho mayoos ae faqiro! Aao aakar loot lo Hai khazana bat raha Ashab-o-Ahle Bait ka

Fazl-e-Rabb se do-jahan mein kamyabi paye ga Dil se jo shaida hua Ashab-o-Ahle Bait ka

Ae Khuda-e-Mustafa! Imaan par ho khatima Maghfirat kar! Wasta Ashab-o-Ahle Bait ka

Jeena marna un ki ulfat mein ho Ya Rabb! aur ho Qurb-e-jannat mein ata Ashab-o-Ahle Bait ka

Hashr mein mujh ko shafa'at ki ata khairat ho Wasta Ya Mustafa! Ashab-o-Ahle Bait ka

Noor walay! Qabr meri hashr tak roshan rahay Wasta tum ko shaha! Ashab-o-Ahle Bait ka

Har baras mein Hajj karoon, meetha Madina dekh loon Ya Ilahi! Wasta Ashab-o-Ahle Bait ka

Naz'a mein Hasnain ke nana ka jalwa ho naseeb Ya Ilahi! Wasta Ashab-o-Ahle Bait ka

Free Up Space - Get Lyrics Without Bulky Screenshots!

De gunahon se nijat aur muttaqi mujh ko bana Ya Ilahi! Wasta Ashab-o-Ahle Bait ka

Dard-e-isiyan ki dawa mil jaye main ban jaaun nek Ya Ilahi! Wasta Ashab-o-Ahle Bait ka

Shah ki dukhiyari ummat ke dukhon ko door kar Ya Ilahi! Wasta Ashab-o-Ahle Bait ka

Tangdasti door ho aur rizq mein barkat milay Ya Ilahi! Wasta Ashab-o-Ahle Bait ka

Ya Ilahi! Shukriya Attar ko tu ne kiya Sher go, midhat sara Ashab-o-Ahle Bait ka