Kisi Ke Gham Mein Haye

Kis ke gham mein haaye tarpata hai dil Aur kuch zyada umand aata hai dil

Dil tera hargiz behalne ka nahin Tu abas bimar behlata hai dil

Haaye dil ka aasra hi chal basa Tukre tukre ab hua jata hai dil

Stop Wasting Storage - Download Lyrics in Lightweight Text Format!

Kaun jaane raaz-e-mehboob-o-muhib Kyun liya jata diya jata hai dil

Jaan ba-haqq tasleem ho jana tera Yaad kar ke mera bhar aata hai dil

Ae Ta'ala Allah shan-e-auliyah Un ke istighna pe bal khata hai dil

Main bhi kuch din ka hoon mehman-e-jahan Taab-e-hijran ab nahin lata hai dil

Kha chuka hai barha kitne fareb Phir bhi duniya par mita jata hai dil

Tere peeche ho chuka barbad main Rehne de ab aur kya bhata hai dil

Chhor de haan aur ghaflat chhor de Kyun su-e-dozakh liye jata hai dil

Apne Maula ko mana le badnaseeb Thokarein dar dar ki kyun khata hai dil

Apne Akhtarؔ par inayat kijiye Mere Maula is ko behkata hai dil