Kisi Ke Gham Mein Haye

کس کے غم میں ہائے تڑپاتا ہے دل اور کچھ زیادہ امنڈ آتا ہے دل

Never Be Without Your Favorite Lyrics - Get the App for Offline Access!

دل ترا ہرگز بہلنے کا نہیں تو عبث بیمار بہلاتا ہے دل

ہائے دل کا آسرا ہی چل بسا ٹکڑے ٹکڑے اب ہوا جاتا ہے دل

کون جانے رازِ محبوب و محب کیوں لیا جاتا دیا جاتا ہے دل

جاں بحق تسلیم ہو جانا ترا یاد کر کے میرا بھر آتا ہے دل

اے تعالیٰ اللہ شانِ اولیاء ان کے استغنا پہ بل کھاتا ہے دل

میں بھی کچھ دن کا ہوں مہمانِ جہاں تابِ ہجراں اب نہیں لاتا ہے دل

کھا چکا ہے بارہا کتنے فریب پھر بھی دنیا پر مٹا جاتا ہے دل

تیرے پیچھے ہو چکا برباد میں رہنے دے اب اور کیا بھاتا ہے دل

چھوڑ دے ہاں اور غفلت چھوڑ دے کیوں سوئے دوزخ لئے جاتا ہے دل

اپنے مولیٰ کو منالے بدنصیب ٹھوکریں در در کی کیوں کھاتا ہے دل

اپنے اخترؔ پر عنایت کیجئے میرے مولیٰ اس کو بہکاتا ہے دل