Khuda Ke Fazal Se

Khuda ke fazl se main hoon gada Farooq-e-Azam ka Khuda un ka Muhammad Mustafa Farooq-e-Azam ka

Karam Allah ka har dam Nabi ki mujh pe rahmat hai Mujhe hai do jahan mein aasra Farooq-e-Azam ka

Pase-Siddiq-e-Akbar Mustafa ke sab sahaba mein Hai beshak sab se ooncha martaba Farooq-e-Azam ka

Gali se un ki shetan dum daba kar bhaag jaata hai Hai aisa rub aisa dabdaba Farooq-e-Azam ka

Sahaba aur Ahle-Bait ki dil mein mohabbat hai Ba-faizan-e-Raza main hoon gada Farooq-e-Azam ka

Rahe teri ata se Ya Khuda! teri inayat se Hamare haath mein daaman sada Farooq-e-Azam ka

Bhatak sakta nahin hargiz kabhi woh seedhe raste se Karam jis bakht-war par ho gaya Farooq-e-Azam ka

No More Screenshots! Save Storage with Our Lyrics App!

Khuda ki khaas rahmat se Muhammad ki inayat se Jahannam mein na jaaye ga gada Farooq-e-Azam ka

Sada aansoo bahaaye jo gham-e-ishq-e-Muhammad mein De aisi aankh Ya Rabb! wasita Farooq-e-Azam ka

Mujhe hajj-o-ziyarat ki sa'adat ab inayat ho Waseela pesh karta hoon Khuda Farooq-e-Azam ka

Ilahi! ek muddat se meri aankhein tarasti hain Dikha de sabz gumbad wasita Farooq-e-Azam ka

Shahadat aye Khuda! Attar ko de de Madine mein Karam farma Ilahi! wasita Farooq-e-Azam ka