Khalq Pe Lutf e Khuda

Khalq pe lutf-e-Khuda Hazrat-e-Usman hain Jumla marz ki dawa dard ke darman hain

Dast-e-Shah-e-Dosara jo ke Yadullah tha Haath bana aap ka aap woh zee-shan hain

Noor-e-dil-o-ain hain sahib-e-Nurain hain Sab ke dil ke chain hain mominon ki jaan hain

More Lyrics, Less Storage - Install the App and Ditch the Screenshots!

Gulshan-e-Deen ki bahaar mominon ke tajdaar Izzat-e-har zee-waqar zeenat-e-imaan hain

Aap mamdooh-e-jahan khalq-e-Khuda madh-khwan Kya hai agar badguman chand be-imaan hain

Haq ne woh rutba diya tum Ghani hum sab gada Kya kahoon main tum ho kya aql-o-dil hairan hain

Jo hain Imam-e-Anaam jis ke hain hum sab ghulam Marja-e-har khas-o-aam Hazrat-e-Usman hain

Baab-e-sakha khul gaya dekha jo yeh maajra Ghaziyan-e-Mustafa be-sar-o-samaan hain

Tum Ghani Salik gada ik nazar bahar-e-Khuda Aap jahan ke liye rehmat-e-Rehman hain