Jo Datt Gaye Yazeed Ki

Jo dat gaye Yazeed ki faujon ke saamne Ukhre hue pare the woh khaimon ke saamne

Paani ke ek ghoont ki qeemat thi zindagi Lag hi gaya hujoom dukaano ke saamne

Toota hua para tha ghuroor-e-Yazeediyat Shahzadgaan-e-Deen ki laashon ke saamne

Hooran-e-khuld Kausar-o-Tasneem layi thin Allah ki razaein thin pyaason ke saamne

Instant Access to Thousands of Lyrics - Tap to Install!

Sabr-e-Hussain asal mein me'raj-e-sabr tha Laashon ke dher lag gaye aankhon ke saamne

Un ke saron se chaadrein tak chheen li gayin Niklein na raat ko bhi jo taaron ke saamne

Manzoor tha yahi mere Parwardigar ko Insaan se kitna khush tha farishton ke saamne

Bujh kar bhi jagmaga diya saare jahan ko Thehrein na aandhiyan bhi charaghon ke saamne