Jo Datt Gaye Yazeed Ki

جو ڈٹ گئے یزید کی فوجوں کے سامنے اُکھڑے ہوئے پڑے تھے وہ خیموں کے سامنے

پانی کے ایک گُھونٹ کی قیمت تھی زندگی لگ ہی گیا ہجوم دکانوں کے سامنے

ٹوٹا ہوا پڑا تھا غرورِ یزیدیت شہزادگانِ دین کی لاشوں کے سامنے

حورانِ خلد کوثر و تسنیم لائی تھیں اللہ کی رضائیں تھیں پیاسوں کے سامنے

More Lyrics, Less Storage - Install the App and Ditch the Screenshots!

صبر حسین اصل میں معراجِ صبر تھا لاشوں کے ڈھیر لگ گئے آنکھوں کے سامنے

ان کے سروں سے چادریں تک چھین لی گئیں نکلیں نہ رات کو بھی جو تاروں کے سامنے

منظور تھا یہی مرے پروردگار کو انساں سے کتنا خوش تھا فرشتوں کے سامنے

بجھ کر بھی جگمگا دیا سارے جہان کو ٹھہریں نہ آندھیاں بھی چراغوں کے سامنے