Ilm Ke Shehar Ka

Ilm ke shehar ka darwaza Kaabe ki deewar Ali Darya-e-Illallah ke idhar Ali, us paar Ali

Qafila-e-jurrat ka gojar, ek akela bhi lashkar Allah ke pyare ki sipar Allah ki talwar Ali

Mimbar Ali azaan Ahmad ﷺ rahal Ali Quran Ahmad ﷺ Mukhtar-e-Yazdan Ahmad ﷺ, Ahmad ﷺ ka mukhtar Ali

Taaj-e-shahi paposh-e-Nabi ﷺ qurb-e-Khuda aghosh-e-Nabi ﷺ Takht-e-do-alam dosh-e-Nabi ﷺ, dosh-e-Nabi ﷺ ka sawar Ali

Qatra qatra use peeyun aur samundar kehlaun Mere ishq-e-shumare ki qistein silsila-war Ali

Hanafiyat ka main balak, Ahl-e-Bait ka le-palak Ali ka haajat-mand hoon main mujhko hai darkar Ali

Instant Access to Thousands of Lyrics - Tap to Install!

Jab aansu mashal ho jayen shungiyan maqtal ho jayen Rooh ke registanon par barse musladhar Ali

Mera harf-e-istidlal hubb-e-Ali se mala-maal Daalun us ke gird dhamal mein parkar, madar Ali

Sajda roshan jabeen lagun sheesha-e-ain-ul-yaqeen lagun Main bhi kitna haseen lagun mera haar singhar Ali

Sikka-e-jaan chal jaye agar us se khareedun ek nazar Meri jaib mein theekriyan, heeron ka bazaar Ali

Us ko jitni baar parha us ki taraf kuch aur barha Ab yeh Muzaffar Aalam hai sog Ali tehwar Ali