Hazrat e Masood Ghazi Akhtar

Hazrat-e-Masood Ghazi Akhtar burj-e-huda Bekason ka hamnawa woh salikon ka muqtada

Saqi-e-sahba-e-ulfat raaz daan-e-marifat Badshah aisa woh jis ki ek dunya hai gada

Aasman-e-noor ka aisa darakhshinda qamar Jis ki taabish se munawwar sara aalam ho gaya

No Internet? No Problem! Get the App for Offline Lyrics!

Naib-e-Shah-e-Shaheedan woh muhafiz noor ka Jis ne seencha hai lahoo se gulshan-e-deen-e-Khuda

Istaqamat ka woh koh-e-muhkam-o-bala tareen Jis ke aage koh-e-aafaat-o-masaib jhuk gaya

Saadgi mein bhi hai woh sardar-e-khooban dekhiye Kya muqaddas zaat hai jis ki nirali har ada

Nosha-e-bazm-e-jinan woh banda-e-Rabb-e-Jahan Hoor-o-ghilman jis ki khidmat par muqarrar hain sada

Tere noor-e-faiz se khairaat dunya ko mili Hum ko bhi jadd-e-muazzam ka mile sadqa shaha

Ya Ilahi tere bande ke dar-e-pur-noor par Gardish-e-ayyam ka main tujh se karta hoon gila

Ya Ilahi be-niyaz-e-dahar tu karde mujhe Door karde mere dil se ulfat-e-har ma-siwa

Allah Allah ye naseeb Akhtar-e-sheereen sukhan Faiz-e-Mola se hai woh salar ka midhat sara