Hain Mere Peer Lasani

Hain mere Peer-e-La-sani, Muhyiddin Jilani Nabi ki sham-e-noorani, Muhyiddin Jilani

Ali ke laadle noor-e-nigah-e-Hazrat-e-Zahra Rasoolullah ke jaani, Muhyiddin Jilani

Laqab hai Qutb-e-Rabbani, sharaf Mehboob-e-Subhani Hai rukh qandeel-e-noorani, Muhyiddin Jilani

Biladullahi mulki tahta hukmi se hui saabit Jahan mein teri sultani, Muhyiddin Jilani

Never Be Without Your Favorite Lyrics - Get the App for Offline Access!

Azoomun qatilun indal qitali shaan-e-aali hai Nahi koi tera saani, Muhyiddin Jilani

Bajuz tere Shah-e-Baghdad koi aur kya jaane Mere dil ki pareshani, Muhyiddin Jilani

Faqir-e-Qadri main, Badshah-e-Qadri tum ho Ho dard-e-dil ki darmani, Muhyiddin Jilani

Khushi se kardo misl-e-ward mere ghuncha-e-dil ko Paye Sultan-e-Samnani, Muhyiddin Jilani

Tumhara ik ishara ho toh mera kaam ban jaaye Rafah ho saari hairani, Muhyiddin Jilani

Madad ka waqt hai mushkil kushayi ke liye aao Hai bahr-e-gham mein tughyani, Muhyiddin Jilani

Ghulaman-e-dargah-e-wala hai Salik phir kidhar jaaye Sunane ranj-e-panhani, Muhyiddin Jilani