Hain Mere Peer Lasani

ہیں میرے پیر لاثانی محی الدین جیلانی نبی کی شمع نورانی محی الدین جیلانی

علی کے لاڈلے نورِ نگاہِ حضرتِ زَہرہ رسول اللہ کے جانی محی الدین جیلانی

لقب ہے قطبِ رَبانی شرف محبوب سبحانی ہے رُخ قندیلِ نورانی محی الدین جیلانی

بِلَادُاللہِ مُلْکِیْ تَحْتَ حُکْمِیْ سے ہوئی ثابت جہاں میں تیری سلطانی محی الدین جیلانی

عَزُوْمٌ قَاتِلٌ عِنْدَ الْقِتَالِیْ شانِ عالی ہے نہیں کوئی ترا ثانی محی الدین جیلانی

بجز تیرے شہِ بغداد کوئی اور کیا جانے میرے دل کی پریشانی محی الدین جیلانی

فقیرِ قادری میں بادشاہِ قادری تم ہو ہو دَردِ دِل کی دَرمانی محی الدین جیلانی

خوشی سے کردو مثلِ وَرْد میرے غنچۂ دِل کو پئے سلطانِ سَمْنانی محی الدین جیلانی

Stop Wasting Storage - Download Lyrics in Lightweight Text Format!

تمہارا اِک اِشارہ ہو تو میرا کام بن جائے رَفع ہو ساری حیرانی محی الدین جیلانی

مدد کا وقت ہے مشکل ُکشائی کے لیے آؤ ہے بحرِ غم میں طغیانی محی الدین جیلانی

غلامِ دَرگہِ والا ہے سالکؔ پھر کدھر جائے سنانے رَنجِ پنہانی محی الدین جیلانی