Haami e Deen e Khuda The

Hami-e-deen-e-huda thay Shah Jilani Miyan Bil-yaqeen mard-e-Khuda thay Shah Jilani Miyan

Misl-e-gul hangam-e-rukhsat muskuratay hi rahay Paikar-e-sabr-o-raza thay Shah Jilani Miyan

Chal basay hum ko dikha kar raah seedhi khuld ki Deen-e-haq kay rehnuma thay Shah Jilani Miyan

Hijr ki na laye taab aakhirash jahi milay Aashiq-e-Khair-ul-Wara thay Shah Jilani Miyan

Un kay har irshad say har dil ki hoti thi jila Mazhar-e-shan-e-Khuda thay Shah Jilani Miyan

Maal-o-zar sab kuch nichawar rah-e-haq mein kar gaye Kaisay mukhlis peshwa thay Shah Jilani Miyan

Hum ko bin dekhay tumhein ab kaisay chain aaye Huzoor Tum shakeeb-e-aqraba thay Shah Jilani Miyan

Sabr-o-tasleem-o-raza ki ab hamein taufeeq day Teray banday ay Khuda thay Shah Jilani Miyan

No Internet? No Problem! Get the App for Offline Lyrics!

Shor kaisa hai yeh barpa gaur say Akhtar suno Partau-e-Ahmad Raza thay Shah Jilani Miyan