Goush e Dil Se Momino

Gosh-e-dil se momino sun lo zara Hai yeh qissa Fatimah ke aqd ka

Pandrah saalah Nabi ki laadli Aur baa'is saal thi umr-e-Ali

Aqd ka paigham Haider ne diya Mustafa ne marhaba ahlan kaha

Peer ka din sattara 17 maah-e-Rajab Doosra san hijrat-e-Shah-e-Arab

Phir Madinah mein hua elaan-e-aam Zohar ke waqt aaein saare khaas-o-aam

Is khabar se shor barpa hogaya Koocha-o-bazaar mein ghul sa macha

Aaj hai Maula ki dukhtar ka nikah Aaj hai is naik akhtar ka nikah

Aaj hai is paak-o-sachi ka nikah Aaj hai be-maan ki bachi ka nikah

Khair se jab waqt aaya Zohar ka Masjid-e-Nabwi mein majma hogaya

Ek janib hain Abu Bakr-o-Umar Ek taraf Usman bhi hain jalwa-gar

Har taraf ashaab aur ansaar hain Darmiyaan mein Ahmad-e-Mukhtar hain

Saamne nosha Ali-e-Murtaza Haider-e-Karrar Shah-e-La Fata

Aaj goya arsh aaya hai utar Ya ke qudsi aagaye hain farsh par

Jama jab yeh saara majma hogaya Sayyad-ul-Konain ne khutba parha

Jab hue khutbe se faarigh Mustafa Aqd Zehra ka Ali se kardiya

Chaar sau misqaal chandi mehar tha Wazan jis ka dedh sau tola hua

Baad mein khurmay lutaye la-kalaam Ma-siwa is ke na tha koi ta'am

Un ke haq mein phir du'a-e-khair ki Aur har ik ne mubarakbaad di

No Internet? No Problem! Get the App for Offline Lyrics!

Ghar se rukhsat jis ghari Zehra huein Waaldah ki yaad mein rone lagein

Di tasalli Ahmad-e-Mukhtar ne Aur farmaya Shah-e-Abrar ne

Fatimah har tarah se baala ho tum Maika-o-sasural mein aala ho tum

Baap tumhaare Imam-ul-Anbiya Aur shohar awliya ke peshwa

Maah-e-Zul-Hijjah mein jab rukhsat hui Tab Ali ke ghar mein ik daawat hui

Jis mein thin das seer jau ki rotiyaan Kuch paneer aur thore khurmay be-gumaan

Is ziyaafat ka valima naam hai Aur yeh daawat sunnat-e-Islam hai

Sab ko un ki raah chalna chahiye Aur buri rasmon se bachna chahiye