Fatah Kyun Haasil Na Hoti

Fatah kyun hasil na hoti khoon ko shamshir par Shimr qabiz ho gaya tha seena-e-Shabbir par

Do gawahon ki jagah hain dastakhat Quran ke Karbala mein khoon se likhi hui tahrir par

Saare mazloomon ki hai aawaaz, aawaaz-e-Hussain Bolta hai iska khoon har tegh par har teer par

Why Screenshot When You Can Download? Get the App for Efficient Storage!

Kat gaye faulad ke halqay bhi dhagay ki tarah Pyaas ne jab haath dala zulm ki zanjeer par

Har namaz iski shahadat ke musallay par parhoon Iski shah-rag ka likha hai naam har takbeer par

Deen jhootay basta-bardaron ki zad par aagaya Tukray tukray ho ke sheesha gir gaya tasveer par

Iski qurbani Muzaffar kar gayi zinda hamein Ban gaye kitnay mehal ik hasrat-e-tameer par