Dikhaye Hijrat e Nabi Ko

Dikhaye hijrat-e-Nabi ﷺ ko apne ghau Karbala Tamam markon ka aakhri parau Karbala

Na dekha hoga aisa qafila bhi aasman ne Hawaein baadbaan, lahu-e-Furat, naau Karbala

Raza-e-Haq pe ghar ka ghar luta diya Hussain ne Bata gayi hamein sadaqaton ka bhau Karbala

Shariat-e-Rasool ﷺ ko Yazid koi gher le Toh sar hatheliyon pe le ke khud hi jaau Karbala

Lari hai, is tarah ki jang kya kisi bhi qaum ne Kisi bhi askari kitab mein dikhau Karbala

Why Screenshot When You Can Download? Get the App for Efficient Storage!

Lahu ke haar ahl-e-sabr ke gale mein daal kar Sikhaye maut ko bhi zindagi ke daau Karbala

Kate hue tamam sar toh hain har ek jism par Tumhari qabr hai zameen ke khudau Karbala

Muzaffar us taraf Hussain lashkar-e-Yazid idhar Idhar bahaar Karbala idhar alaau Karbala