Deen e Haq Bach Gaya

Deen-e-haq bach gaya qurbani-e-jaan aisi thi Jis pe Kaaba bhi kare naaz azaan aisi thi

Aisa darya tha ke sahil ne bhi pyasa maara Phool khilte thay shahadat ke, khizaan aisi thi

Karbala mein jo woh sar bechne wale aaye Loot li deen faroshon ne, dukan aisi thi

Instant Access to Thousands of Lyrics - Tap to Install!

Aag aur dhoop ke mehman thay Muhammad ﷺ zaade Sar tha har tan se juda, jaaye amaan aisi thi

Sara Quran ukhadti hui saanson se likha Tegh se tez chali, tab-e-rawaan aisi thi

Aaj bhi takta hai hairat se zamana jis ko Nazar aisi thi dil aisa tha zaban aisi thi

La nahi sakta abad tak koi sani jin ka Nana aise thay pidar aisa tha maa aisi thi

Un mein ae kash tahattarwan Muzaffar hota Magar us shakhs ki taqdeer kahan aisi thi