Dar Par Jo Tere Aa Gaya

Dar par jo tere aa gaya Baghdad wale murshid Man ki muraadein pa gaya Baghdad wale murshid

Lene shifa-e-kaamila darbaar mein aye kaamil Beemar-e-isyaan aa gaya Baghdad wale murshid

Jo koi teera bakht yahan ho gaya hai haazir Roshan naseeba pa gaya Baghdad wale murshid

Qadmon mein tere duniya ke jhanjhat se bas nikal kar Jo aa gaya so pa gaya Baghdad wale murshid

Stop Wasting Storage - Download Lyrics in Lightweight Text Format!

Jab bhi tadap ke keh diya "Ya Ghous al-madad" tab Imdaad ko tu aa gaya Baghdad wale murshid

Jis ne lagaya zor se Ya Ghous ka hai naara Woh dushmanon pe chha gaya Baghdad wale murshid

Bedar Bakht woh hai haqeeqat mein jis ko jalwa Tu khwab mein dikha gaya Baghdad wale murshid

Imaan us ka bach gaya shaitan se, jo tere Hai "silsile" mein aa gaya Baghdad wale murshid

Kyun naz' o qabr o hashr ka dar ab mureedon ko ho Tu "la takhaf" suna gaya Baghdad wale murshid

Deedar bhi kara de mujhe kalma bhi padha de Ab waqt-e-rihlat aa gaya Baghdad wale murshid

Attar aa ke kaash! yeh darbaar mein kahe phir Baghdad mein phir aa gaya Baghdad wale murshid