Behtari Jis Pe Kare Fakhar

Behtari jis pe kare fakhr woh behtar Siddiq Sarwari jis pe kare naaz woh sarwar Siddiq

Chamanistan-e-Nabuwat ki bahaar-e-awwal Gulshan-e-deen ke bane pehle gul-e-tar Siddiq

Be-gumaan sham-e-Nabuwat ke hain aaina-e-chaar Ya'ni Usman-o-Umar Haider-o-Akbar Siddiq

Saare as-haab-e-Nabi taare hain ummat ke liye In sitaron mein bane mehr-e-munawwar Siddiq

Sani-as-thnain hain Abu Bakr Khuda mera gawah Haq muqaddam kare phir kyun hon mu'akhkhar Siddiq

Instant Access to Thousands of Lyrics - Tap to Install!

Zeest mein maut mein aur qabr mein sani hi rahe Sani-as-thnain ke is tarah hain mazhar Siddiq

Wa-allatheena ma'ahu ke hain yeh fard-e-kaamil Hashr tak paye Nabi par hain dhare sar Siddiq

Un ke maddah Nabi un ka sana-go Allah Haq Abul Fazl kahe aur Payambar Siddiq

Baal bachon ke liye ghar mein Khuda ko chhorein Mustafa par karein ghar baar nichawar Siddiq

Ek ghar baar to kya ghaar mein jaan bhi dedein Saanp dasta rahe lekin na hon muztar Siddiq

Kahein gar tuon ko sambhalein kahein roothon ko manayein Khodein ilhaad ki jar ba'd-e-Payambar Siddiq

Ilm mein zuhd mein be-shubha to sab se barh kar Ke imamat se teri khul gaye jauhar Siddiq

Is imamat se khula tum ho Imam-e-Akbar Thi yeh hi ramz-e-Nabi kehte hain Haider Siddiq

Tu hai azaad-e-saqar se tere bande azaad Hai yeh Saalik bhi tera banda-e-be-zar Siddiq