Bartar Qayas Se Hai Muqam

Bartar qiyas se hai maqam-e-Abul Hussain Sidra se poocho rif'at-e-baam-e-Abul Hussain

Warasta paaye basta-e-daam-e-Abul Hussain Azaad naar se hai ghulam-e-Abul Hussain

Khatt-e-siyah mein noor-e-Ilahi ki tabishein Kya subh-e-noor baar hai shaam-e-Abul Hussain

Saqi suna de sheesha-e-Baghdad ki tapak Mehki hai boo-e-gul se mudaam-e-Abul Hussain

Boo-e-kabab-e-sokhta aati hai may-kasho Chhalka sharab-e-Chisht se jaam-e-Abul Hussain

Gulgoon sahar ko hai sahar soz-e-dil se aankh Sultan-e-Suhraward hai naam-e-Abul Hussain

Kursi nasheen hai naqsh-e-murad un ke faiz se Maula-e-Naqshband hai naam-e-Abul Hussain

Jis nakhl-e-paak mein hain chhayalees daaliyan Ik shakh un mein se hai ba-naam-e-Abul Hussain

Maston ko ay Kareem bachaye khumar se Ta door-e-hashr daur-e-jaam-e-Abul Hussain

Unke bhale se laakhon gareebon ka hai bhala Ya Rabb zamana baad ba-kaam-e-Abul Hussain

Mela laga hai shaan-e-Masiha ki deed hai Murde jila raha hai kharam-e-Abul Hussain

Sargashta-e-mehr-o-mah hain par ab tak khula nahin Kis charkh par hai mah-e-tamaam-e-Abul Hussain

Itna pata mila hai ke yeh charkh-e-chanbari Hai haft paya zeena-e-baam-e-Abul Hussain

Zarra ko mehr, qatra ko darya kare abhi Gar josh zan ho bakhshish-e-aam-e-Abul Hussain

Yahya ka sadqa waris-e-Iqbal mand paaye Sajjada-e-shuyookh-e-kiraam-e-Abul Hussain

In'aam lein bahaar-e-jinan tahniyat likhein Phoole phale to nakhl-e-maraam-e-Abul Hussain

Offline Lyrics Anytime, Anywhere - Download the App Today!

Allah hum bhi dekh lein shahzada ki bahaar Soonghe gul-e-murad masham-e-Abul Hussain

Aqa se mere Suthre Mian ka hua hai naam Is achchhe Suthre se rahe naam-e-Abul Hussain

Ya Rabb woh chand jo falak-e-izz-o-jaah par Har sair mein ho gaam ba-gaam-e-Abul Hussain

Aao tumhein hilal-e-sipahr-e-sharaf dikhayein Gardan jhukayein bahar-e-salam-e-Abul Hussain

Qudrat Khuda ki hai ke talatum kanaan uthi Bahr-e-fana se mauj-e-dawaam-e-Abul Hussain

Ya Rabb humein bhi chashni us apni yaad ki Jis se hai shakkarin lab-o-kaam-e-Abul Hussain

Haan tali'-e-Raza teri Allah re yawari Ay banday-e-judood-e-kiraam-e-Abul Hussain