Badal Ya Fard Jo Kamil

Badal ya fard jo kamil hai ya Ghous Tere hi dar se mustakmil hai ya Ghous

Jo teri yaad se zahil hai ya Ghous Woh zikrullah se ghafil hai ya Ghous

Ana-as-sayyaf se jahil hai ya Ghous Jo tere fazl par sail hai ya Ghous

Sukhan hain asfiya to maghz-e-maani Badan hain awliya to dil hai ya Ghous

Agar woh jism-e-irfan hain to tu aankh Agar woh aankh hain to til hai ya Ghous

Uluhiyat Nubuwwat ke siwa tu Tamam afzal ka qabil hai ya Ghous

Nabi ke qadmon par hai juz-e-Nubuwwat Ke khatm us rah mein hail hai ya Ghous

Uluhiyat hi Ahmad ne na paayi Nubuwwat hi se to aatil hai ya Ghous

Sahabiyat hui phir Tabieyat Bas aage Qadri manzil hai ya Ghous

Hazaron Tabie se tu fuzoon hai Woh tabqa mujmalan fazil hai ya Ghous

Raha maidan-o-shahristan-e-irfan Tera ramna teri mehfil hai ya Ghous

Yeh Chishti, Suharwardi, Naqshbandi Har ik teri taraf mail hai ya Ghous

Teri chiriyan hain tera dana paani Tera mela teri mehfil hai ya Ghous

Unhein to Qadri bai’at hai tajdeed Woh haan khati jo mustabdil hai ya Ghous

Qamar par jaise khor ka yun tera qarz Sab ahl-e-noor par fazil hai ya Ghous

Ghalat kardam to wahib hai na muqriz Teri bakhshish tera nail hai ya Ghous

Koi kya jaane tere sar ka rutba Ke talwa taj-e-ahl-e-dil hai ya Ghous

Mashayikh mein kisi ki tujh pe tafzeel Ba-hukm-e-awliya batil hai ya Ghous

Jahan dushwar ho wahm-e-musawat Yeh jur’at kis qadar hail hai ya Ghous

Download Lyrics & Access Offline - Install Our App Now!

Tere khuddam ke aage hai ik baat Jo aur aqtab ko mushkil hai ya Ghous

Use idbar jo mudbir hai tujh se Woh zi-iqbal jo muqbil hai ya Ghous

Khuda ke dar se hai matrood-o-makhzool Jo tera tarik-o-khazil hai ya Ghous

Sitam kori Wahabi, Rafzi ki Ke Hindu tak tera qail hai ya Ghous

Woh kya jaane ga fazl-e-Murtaza ko Jo tere fazl ka jahil hai ya Ghous

Raza ke saamne ki taab kis mein Falak-war us pe tera zill hai ya Ghous