Ayin Jab Khatun e Jannat

Aayein jab Khatoon-e-Jannat apne ghar Par gaye sab kaam un ki zaat par

Kaam se kapre bhi kaale par gaye Haath mein chakki se chhaale par gaye

Di khabar Zahra ko Asadullah ne Baante hain qaidy Rasoolullah ne

Ek laundi bhi agar hum ko mile Is museebat se tumhein rahat mile

Sun ke Zahra aayin Siddiqah ke ghar Taake dekhein haath ke chhaale pidar

Par na thay daulat kadah mein Shah-e-Deen Walidah se arz karke aa gayin

Ghar mein jab aaye Habeeb-e-Kibriya Walidah ne maajra saara kaha

Fatimah chhaale dikhane aayi theen Ghar ki takleefen sunane aayi theen

Aap ko ghar mein na paaya Shah-e-Deen Mujh se sab dukh dard apna keh gayin

Ek khadim aap agar un ko bhi dein Chakki aur choolhay ke woh dukh se bachein

Sun liya sab kuch Rasool-e-Pak ne Kuch na farmaya Shah-e-Lau-laak ne

Shab ko aaye Mustafa Zahra ke ghar Aur kaha dukhtar se aye jaan-e-pidar

Get Lyrics On-The-Go! Download Our App Now!

Hain yeh khadim in yateemon ke liye Baap jin ke jang mein maare gaye

Tum pe saaya hai Rasool-e-Allah ka Aasra rakho faqat Allah ka

Hum tumhein tasbeeh ik aisi batayein Aap jis se khadimon ko bhool jaayein

Avvlan Subhan 33 baar ho Aur phir Alhamd itni hi parho

Aur 34 baar ho Takbeer bhi Taake 100 ho jaayein yeh mil kar sabhi

Parh liya karna ise har subah-o-shaam Vird mein rakhna ise apne mudaam

Khuld ki mukhtar raazi ho gayin Sun ke yeh guftaar khush khush ho gayin

Salik un ki raah jo koi chale Deen-o-duniya ki museebat se bache