Ameer e Adal Tamannah e Haq

Amir-e-adl, tamanna-e-haq, dua-e-Rasool ﷺ Teri hayat, baraye Khuda baraye Rasool ﷺ

Shahab-e-haq kahoon ya deen ki uthaan kahoon Tujhe zameen-e-firasat ka aasmaan kahoon

Na sirf apne hi, qail hain ghair bhi tere Hain naafiz aaj bhi qanoon-e-Askari tere

Your Lyrics, Even Offline - Install the App for Free!

Parhi namaz daleri se tu ne Kaabe mein Lagayi haq ki sada kufr ke ahaate mein

Har ek jang mein tu Mustafa ﷺ ke saath raha Hamesha tegh ke daste pe tera haath raha

Liye raha haq-o-insaaf ki tarazu ko Hila saki koi taqat na tere baazu ko

Guroor-e-Qaisar-o-Kisra ko khaak tu ne kiya Buland paya chataanon ko chaak tu ne kiya

Usool-e-waqf teri di hui zameen se bana Tere waqar ka gumbad sutoon-e-deen se bana

Jalaaye tu ne dar-e-Shah-e-do jahaan ke diye Baseeraton ne teri bol bhi azaan ke diye

Tera ghulaam hi pehla shaheed kehlaaya Ghulaam hi ne tujhe zer-e-gor pohanchaya

Nabi ke baad bhi koi Nabi agar hota Ba-qol-e-Khatm-e-Rusul tu hi ae Umar hota