Ya Ilahi Mujhe Mere Shar Se Bacha

Ya Ilahi mujhe mere shar se bacha Mujh ko Iblees ke har asar se bacha

Apni rehmat ke saaye mein mehfooz rakh Fitna-e-zan se, ta'zeem-e-zar se bacha

Mujh ko apni ita'at ki taufeeq de Deen-o-dunya mein khauf-o-khatar se bacha

Jis pe chal kar khasara uthana pade Mujh ko aisi har ek rehguzar se bacha

De tawazun tabiyat ko har haal mein Mujh ko ta'seer-e-har khushk-o-tar se bacha

Bakhsh apni huzoori ka Maula sharaf Mujh ko ghaflat pe mabni khabar se bacha

Jis mein pinhan ho ta'seer-e-bughz-o-hasad Meri hasti ko aisi nazar se bacha

Jis mein tere Nabiﷺ ki mohabbat na ho Har musalman ko us dagar se bacha

Hum ko hifz-e-maratib ki taufeeq de Aib joyan-e-Khair-ul-Bashar se bacha

Phir se Namroodiyat hai mere saamne Mujh ko Firaun-e-hazir ke shar se bacha

Mujh ko zauq-e-qana'at ki khairat de Apne saail ko ghairon ke dar se bacha

Kar de sajda jo tere siva aur ko Mere tan ko sada aise sar se bacha

More Lyrics, Less Storage - Install the App and Ditch the Screenshots!

Jis mein tehseen na ho, jis mein taskeen na ho Us safar se bacha, us hazar se bacha

Ya Ilahi meri rooh ko paak rakh! Mere batin ko har shor-o-shar se bacha

Bakhsh ismat ka Shahzad ko saaybaan Har ghadi hub-e-amwal-o-zar se bacha