Ya Ilahi Jab Bahein Ankhein

Ya-Ilahi jab bahein aankhein hisab-e-jurm mein Un tabassum-rez honton ki dua ka sath ho

Never Be Without Your Favorite Lyrics - Get the App for Offline Access!

Ya-Ilahi jab hisab-e-khanda-e-beja rulaye Chashm-e-giryan-e-Shafi-e-Murtaja ka sath ho

Ya-Ilahi rang layein jab meri bebakiyan Un ki neechi neechi nazron ki haya ka sath ho

Ya-Ilahi jab chaloon tareek rah-e-Pul-e-Sirat Aftab-e-Hashmi Noor-ul-Huda ka sath ho

Ya-Ilahi jab sar-e-shamshir par chalna pade Rabbi sallim kehne wale ghamzada ka sath ho

Ya-Ilahi jo dua-e-nek mein tujh se karoon Qudsiyon ke lab se aameen Rabbana ka sath ho

Ya-Ilahi jab Raza khwab-e-giran se sar uthaye Daulat-e-bedar-e-ishq-e-Mustafa ka sath ho

Ya-Ilahi har jagah teri ata ka sath ho Jab pade mushkil Shah-e-Mushkil Kusha ka sath ho

Ya-Ilahi gor-e-teera ki jab aaye sakht raat Un ke pyare munh ki subh-e-janfiza ka sath ho

Ya-Ilahi jab pade mahshar mein shor-e-dar-o-geer Amn dene wale pyare peshwa ka sath ho

Ya-Ilahi jab zabanin bahar aayein pyas se Sahib-e-Kausar Shah-e-jood-o-ata ka sath ho

Ya-Ilahi sard-mehri par ho jab khursheed-e-hashar Sayyid-e-be-saya ke zill-e-liwa ka sath ho

Ya-Ilahi garmi-e-mahshar se jab bhadkein badan Daman-e-Mehboob ki thandi hawa ka sath ho

Ya-Ilahi nama-e-aamal jab khulne lagein Aib-posh-e-khalq Sattar-e-khata ka sath ho

Ya-Ilahi bhool jaaun naz'a ki takleef ko Shadi-e-deedar husn-e-Mustafa ka sath ho