Ya Ilahi Be Kason Ka Aasra Tu Hi To Hai

یا الہی بے کسوں کا آسرا تو ہی تو ہے سر بلندی کی حدوں کا منتہا تو ہی تو ہے

تیرے حسنِ خَلق کا مظہر ہیں یہ شمس و قمر جس کی ہر تخلیق ٹھہری دلربا تو ہی تو ہے

میرے دل کے وسوسے بھی تجھ سے پوشیدہ نہیں مجھ سے بڑھ کر ہے جسے میرا پتہ تو ہی تو ہے

تیری جانب ہے توجہ جسم و جان و روح کی میرے مولا! مرجعِ حرفِ دُعا تو ہی تو ہے

Your Lyrics, Even Offline - Install the App for Free!

تیرے اوصاف و محاسن کا بیاں ممکن ہی نہیں میرے ہر حمد و ثنا سے ماورا تو ہی تو ہے

بن گیا شہزاد تیرے لطف سے عبد النبی جس کے بندے ہیں نبی وہ ذوالعُلا تو ہی تو ہے