Woh La Mehdood Hai

Woh la-mehdood hai bairoon-e-har manzil mein rehta hai Yeh dil bhi la-makaan hai is liye is dil mein rehta hai

Woh khaliq bhi zamane ka, zamana bhi hai naam is ka Woh har maazi mein, har ik haal-o-mustaqbil mein rehta hai

Shikast-o-fatah, aansoo, qahqahay, ahkaam hain is ke Wahi la-haasili mein hai, wahi haasil mein rehta hai

Pohanchta hai wahi us tak, jo kar le paar zaat apni Woh rehne ko to har dariya mein, har saahil mein rehta hai

Laga leti hai daanishmandi-e-momin suraagh is ka Woh ik hal ki tarah har uqda-e-mushkil mein rehta hai

No More Screenshots! Save Storage with Our Lyrics App!

Muzaffar hum jab us ke zikr ki mehfil sajatay hain Charaghon ki tarah woh garmi-e-mehfil mein rehta hai