Wahi Musawwir Wahi Hai Bari Radiyatu Billahi Radiyatu Billahi

Wahi musawwir wahi hai bari Radiyatu billahi Radiyatu billahi Usi ki hamd-o-sana hai sari Radiyatu billahi Radiyatu billahi

Offline Lyrics Anytime, Anywhere - Download the App Today!

Wahi hai khaliq wahi hai malik woh sab ka Rab hai woh sab ka raziq Usi ka sikka jahan mein jari Radiyatu billahi Radiyatu billahi

Wahi hai mabood-e-alameen ka wahi nigahban hai is zameen ka Usi ko laiq hai tajdari Radiyatu billahi Radiyatu billahi

Wahi toh matloob-e-anbiya hai wahi toh maqsood-e-asfiya hai Usi ki khatir hai ashkbari Radiyatu billahi Radiyatu billahi

Hain us ke qabze mein sab khazane usi ke daryoza gar zamane Wahi toh karta hai chara kari Radiyatu billahi Radiyatu billahi

Khuda-e-jinn-o-bashar wahi hai haqiqatan muqtadir wahi hai Usi ke noori usi ke nari Radiyatu billahi Radiyatu billahi

Raheem hai woh Kareem hai woh Azeem tar se Azeem hai woh Wahi mitaye ga be-qarari Radiyatu billahi Radiyatu billahi

Chaman mein bulbul ka chehchahana, sahar ko ghunchon ka khilkhilana Usi ne di gul ko tarah-dari Radiyatu billahi Radiyatu billahi

Usi se Shahzad hai mohabbat usi ki karte hain hum ibadat Usi ka dil par hai khauf tari Radiyatu billahi Radiyatu billahi