Teri jaanib jo dhiyaan baaqi hai

Teri jaanib jo dhiyaan baaqi hai Is liye to jahaan baaqi hai

Teri yaadon ke faiz se Maula Qalb pe imtinaan baaqi hai

Aur har cheez ke liye hai fana Ek teri hi shaan baaqi hai

Jo tere rang se huye rangeen Un ka naam-o-nishan baaqi hai

Dam bharoon main teri ita'at ka Jab talak tan mein jaan baaqi hai

Karwatein lein kayi zamaane ne Par tera saayabaan baaqi hai

Bakhsh de ga gunaahgaar ko tu Yeh yaqeen, yeh gumaan baaqi hai

Get Lyrics On-The-Go! Download Our App Now!

Mit gaye naam baadshahon ke Zikr tera har aan baaqi hai

Jaane Shahzad kis ada ke tufail Yeh zameen aasman baaqi hai