Teri jaanib jo dhiyaan baaqi hai

تیری جانب جو دھیان باقی ہے اس لئے تو جہان باقی ہے

تیری یادوں کے فیض سے مولا قلب پہ امتنان باقی ہے

اور ہر چیز کے لیے ہے فنا ایک تیری ہی شان باقی ہے

Your Lyrics, Even Offline - Install the App for Free!

جو ترے رنگ سے ہوئے رنگین اُن کا نام و نشان باقی ہے

دم بھروں میں تری اطاعت کا جب تلک تن میں جان باقی ہے

کروٹیں لیں کئی زمانے نے پر ترا سائبان باقی ہے

بخش دے گا گناہگار کو تو یہ یقیں، یہ گمان باقی ہے

مٹ گئے نام بادشاہوں کے ذکر تیرا ہر آن باقی ہے

جانے شہزاد کس ادا کے طفیل یہ زمیں آسمان باقی ہے