Tan Pe Ehraam Lapeta

Tan pe ehram lapeta to Khuda yaad aaya Uth gaya zaat se parda to Khuda yaad aaya

Rehmaten us ki mere charon taraf thin lekin Apne aamal ko dekha to Khuda yaad aaya

Yun laga chhu liya ho hath Khuda ka jaise Hajar-e-Aswad ko jo chuma to Khuda yaad aaya

Samne se mere guzra mera sara mazi Kaabe ke gird main ghuma to Khuda yaad aaya

Reg-e-batin pe bohat eriyan ragrein main ne Piya Zamzam ka pyala to Khuda yaad aaya

No Internet? No Problem! Get the App for Offline Lyrics!

Dono aankhon se meri ho gaye chashme jaari Safa Marwa pe bhi daura to Khuda yaad aaya

Surat-e-haal thi sab hashr ke maidan jaisi Hua Arafat rawana to Khuda yaad aaya