Ta Umar Rahe Gi Rooh

Ta-umar rahegi rooh khursand Kar dil mein Haram ko aaina-band

Bas uski raza ko jaan maqsad Rakh aap ko uska aarzoomand

Gar hamd ki marifat se aaye Taseer ho naat-e-Shah ﷺ ki do-chand

Chamka nazar-e-aakhirat ki lau se Dunya ka na bhool kar ho farzand

Tauheed haqeeqat-ul-haqaa'iq Mazboot rakh us se jaan ka paiwand

Rukh jis ka Ilah ki taraf hai Rakh aap ko us raush ka paaband

Never Be Without Your Favorite Lyrics - Get the App for Offline Access!

Reh musta'id uski bandagi mein Har shai se hai qeemti ye ek pand

Ek lafz 'Bala' ka tha bazahir Meesaq tha woh azal ki saugand